مرحبا كيفكم
من حوالى ثمانية اشهر تقريبا كنت قد انهيت اخر فصل دراسى لى فى الجامعة
وتخرجت كنت طوال حياتى انتظر هذه اللحظة
اللحظة التى انهى فيها دراستى واناقش مشروعى و احصل على شهادتى
واتخلص من الدراسة وتنزيل المواد وحرق الدم من الامتحانات والدرجات والدكاترة ووجع الراس
كنت ادرس بجد حتى انجح واتطلع للمستقبل بنظرة امل وتفائل
ولاكن لااعرف بعد اشهر قليلة من التخرج بدأت اشعر بالملل والكساااد
والروتين اليومى حتى انى كرهت هذه الحياة ملييييت
شعرت بحنين لايام الجامعة والمحاضرات والامتحانات ورفقة الصديقات تمنيت انى لم انهى دراستى
حاولت ان اشغل نفسى بشى وجربت ان ابحث عن عمل
ولاكن ما يفجأنى انه الجميع يشرطون الخبرة وصعب يقبلوك بدونها
انا اريد ان اسأل بس كيف لطالب متخرج جديد او اى انسان
ان تكون له خبرة بالعمل وهو لم يشتغل قبل يعنى منين بتجى الخبرة
ليش مايضعو الموظف تحت فترة اختبار محددة فى العمل وبعدها اما يقبلوه او يرفضوه
اما ان يضعو فى الشروط الخبرة يعنى شخصيا غير مقتنعة بهذا الامر
اممممم
يلا ادعولى انتو نحصل شغل قريبا :)
خير مانقعد مكسدة فى الحوش
تراث ليبي .. عز الدين محمد .. بلدي
-
*انا كل حبة رمل ليها عندي*
*احساس ما يوفى بلحظة في وديانا كل نسمة في بُعدها تنادينيو تزيد في حبي
الكبير لبلدي*
*بلدي بلدي بلدي بلدي*
قبل 8 أعوام
سوسو ... أنا مستعدة للمساعدة عندي اصدقاء واجدين وكذا مرة يسالو فيا بالك عندك حد تخصصص كدا كدا بس نبي شنو تخصصك تقدري تراسليني على مدونتي تقوليلي وإن شاء الله ربي يجعلني مفتاح لتتطير الكساد ولا يهمك الفترة هادي عادية الكل يمر بيها بس حاجة وحدة متخليش نفسك محبطة بالعكس لازم توة تعتمدي على نفسك وتبدي رحلة البحث وإن شاء الله كلنا مش حنخذلوك ونساعدوك سلامات سوسو
ردحذفالسلام عليكم
ردحذفسوسو معليشى وسعى بالك
حتى انى مريت بى الفترة متع الكساد ودرت على الشركات لين درهت كبدى قلهم ايقولووو نبوو خبرة عشرة وخمس سنين
بس ماياستش ودورت لين ربى قسم ليا شغلانة فى شركة كبيرة الحمد اللة
سوسو خشى على الموقع الى نعطيهولك فى اعلانات التوضيف لى الشركات الى ى ليبيا كلها وان شاء اللة ربى ايوفق
www.libyaninvestment.com
ردى بالك تستسلمى وخلى عندك تقة فى روحك
يلا سلامات
تسلميلى اختى غيداء على التعليق وتقديم المساعدة
ردحذفتخصصى كمبيوتر ونعرف فيه هلبا شركات تطلب موظفين بس زى ماقلت من شروطهم الخبرة واكيد الخبرة ماتجى الا بكثرة العمل معظم اللى نعرفهم قالو انها مجرد فترة وتمر وانه مرو بنفس الحالة الى انا نمر بيها
يالله ان شاء الله خير فى النهاية
شكرا لك اخى angel على الموقع
ردحذفالحمد الله انك لقيت شغل فى النهاية عقباالى
الله يكون فى عونى
سلام سوسو
ردحذفربي يكون معاك لان الكساد يقتل الواحد ببطئ. بس انت لازم اديري حاجات اخري في حياتك مثلا اشتركي في نادي للرياضة و حيكون فيه اشياء ترفهيه اخري داجل النادي و حاولي ان تتعلمي القرآن في مسجد و لو كانت عندك بعض المواهبة حاولي ان تبدعي فيهن و تعلم اللغات و حاولي مساعدت الغير يالي يمكن يكون في حاجه لمساعدتك لان اكيد يكون عندي شئ تقدميه لناس و تعلمي اشياء تخص مجال تخصصك مثل دورات كمبيوتر, اكيد حتقوليي اغلب الحاجات هذين يبن فلوس بس حاولي طلبها من عائلتك و اكيد انت بعدين مش حتقصري...
شكرا
اهلا نونا كيفك وين هالغيبة؟
ردحذفنعم حاولت نشغل وقتى فى قرائة وتعلم اشياء جديدة فى البرمجة وغيرها بس تعرفى انتى الوقت طويل وكذلك صعب على انسان تعود على جو الجامعة والدراسة والتعب انه يقعد فى البيت
سوسو لقيتلك شغل بس ياريت تتصلي بيا على بريد مدونتي خليلي رقم تليفونك ضروري اليوم اوكي
ردحذفغيداء